ብሄራዊ የሃዘን ቀን
የኢፌዴሪ የህዝብ ተወካዮች ምክር ቤት ዛሬ መጋቢት 2 ቀን 2011 ዓ.ም ብሄራዊ የሃዘን ቀን አወጇል።

• ባራክ ኦባማና ሚሼል ሀዘናቸውን ገልፀዋል
(Tweet by Barack Obama on Twitter)
* የአውሮፕላኑን መረጃ የያዘው ጥቁር ሳጥን (Black Box) ተገኝቷል
* የኢትዮጵያ አየር መንገድ ያሉትን ቦይንግ 737 - 8 –MAX አውሮፕላኖች ከበረራ ውጭ ማድረጉን አስታውቋል
* ቻይና በቦይንግ 737 ማክስ 8 የሚደረጉ በረራዎችን ማገዷን ለዓለም አስታውቃለች
***

የኢፌዴሪ የህዝብ ተወካዮች የምክር ቤቱ ጽሕፈት ቤት በላከው መግለጫ በአደጋው ህይወታቸውን ላጡ ኢትዮጵያውያን እና የውጭ ሐገር ዜጎች ዛሬ መጋቢት 2 ቀን 2011 አ.ም የአንድ ቀን ብሄራዊ የሐዘን ቀን እንዲታወጅ በሰንደቅ አላማ አዋጅ ቁጥር 654/2001/ በአዋጅ ቁጥር 863/2006 እንደተሻሻለ አንቀጽ 22 ንዑስ አንቀጽ (2) መሰረት መወሰኑን አስታውቋል።
ስለሆነም የሪፐብሊኩ ሰንደቅ አላማ መጋቢት 2 ቀን 2011 በመላው የአገሪቱ ግዛቶች፣ በኢትዮጵያ መርከቦች እና በውጭ ሐገር በሚገኙ ኤምባሲዋች የቆንስላ ጽህፈት ቤቶች ዝቅ ብሎ የሚውለበለብ ይሆናል ብሏል።
ምክር ቤቱ ብሄራዊ የሀዘን ቀኑን ያወጀው ትናንት ንብረትነቱ ኢትዮጵያ አየር መንገድ የሆነ ቦይንግ 737 አውሮፕላን ተከስክሶ የ157 ሰዎች ህይወት ማለፉን ተክትሎ ነው፡፡
***

በተያያዘም ዜና ~ የኢትዮጵያ አየር መንገድ ያሉትን ቦይንግ 737 - 8 –MAX አውሮፕላኖች ከበረራ ውጭ ማድረጉን አስታውቋል
አየር መንገዱ እንዳስታወቀው ትላንት አደጋ የደረሰበት የበረራ ቁጥር ET 302 ቦይንግ 737 - 8 –MAX ምክንያቱ በይታወቅም ለግዜው ተመሳሳይ ስሪት ያላቸውን አውሮፕላኖች ከበረራ ውጭ ለማድርግ ወስኗል።
በአደጋው ዙርያ ተጨማሪ መረጃ ሲኖረው ይፋ እንደሚያደርግም ገልጿል።
በተመሰሳይ የቻይና አየር መንገድም ቦይንግ 737 - 8 –MAX አውሮፕላኖቹን ከበረራ ውጪ ማድረጉን ገልጿል።
***
ቻይና በቦይንግ 737 ማክስ 8 የሚደረጉ በረራዎችን አገደች
ንብረትነቱ የኢትዮጵያ አየር መንገድ የሆነ ቦይንግ 737 አውሮፕላን ትላንት መከስከሱን ተከትሎ የቻይና አየር መንገዶች በቦይንግ 737 ማክስ 8 የሚደረጉ በረራዎችን እንዲያቆሙ የሃገሪቱ ኤቪዬሽን ተቆጣጣሪ መስሪያ ቤት አስታወቀ።

ማንኛውም የንግድ በረራ የሚያካሂዱ የቻይና አየር መንገዶች ከዛሬ ጠዋት 12 ሰአት ጀምሮ አውሮፕላኑን መጠቀም አይችሉም ተብሏል።

አውሮፕላኑ ከቦሌ አለም አቀፍ አውሮፕላን ማረፊያ የተነሳው ጠዋት 2፡38 ሲሆን ከ6 ደቂቃ በኋላ ከአብራሪዎቹ ጋር ይደረግ የነበረው ግንኙነት ተቋርጦ ከደቂቃዎች በኋላ መከስከሱ ተረጋግጧል።
ቦይንግ 737 ማክስ 8 ከተባለው አውሮፕላን ጋር በተያያዘ አደጋ ሲከሰት ባለፉት ስድስት ወራት ይህ ሁለተኛው ነው።

የዘርፉ ባለሙያዎች አደጋው በምን ምክንያት እንደተከሰት ለማወቅ ጊዜው በጣም ገና ነው ያሉ ሲሆን ባለፈው ጥቅምት ''የላየን'' አየር መንገድ ንብረት የሆነ ተመሳሳይ አውሮፕላን ተከስክሶ 189 ሰዎች ህይወታቸው ማለፉ ይታወሳል።

የቻይናው ሲቪል ኤቪየሽን ባለስልጣን በሰጠው መግለጫ በአጭር ጊዜ ውስጥ አንድ የአውሮፕላን ሞዴል አደጋ ሲደርስበት በቸልታ ማለፍ ይከብደኛል ብሏል።

ቻይና ውስጥ ከ90 በላይ ቦይንግ 737 ማክስ 8 አውሮፕላኖች አገልግሎት የሚሰጡ ሲሆን ይህኛው ሞዴል ቦይንግ በቅርቡ በፈንጆቹ 2017 ዓ.ም. ነበር ለገበያ ያቀረበው።

የአውሮፕላኑ አምራች ኩባንያ ቦይንግ በበኩሉ በተፈጠረው አደጋ እጅግ ማዘኑን በመግለጽ የቴክኒክ ድጋፍ የሚሰጥና የአደጋውን መንስኤ ለማጣራት በሚደረገው ስራ ላይ እርዳታ የሚሰጥ ቡድን እንደሚልክ አስታውቋል።

የምርመራ ሂደቱም የሚመለከታቸው የኢትዮጵያ መስሪያ ቤቶች ከቦይንግ ባለሙያዎችና ከአሜሪካ የትራንስፖርት ደህንነት መስሪያ ቤት ጋር በመተባበር የሚካሄድ እንደሆነ ተገልጿል።
የቻይና አየር መንገዶች የቦይንግ 737 ማክስ 8 አውሮፕላንን መጠቀም የሚችሉት የኤቪዬሽን መስሪያ ቤቱ ወደፊት በሚሰጠው መግለጫ መሰረት እንደሆነ አስታውቋል።

በትናንትናው ዕለት በቦይንግ 737 በረራ ቁጥር ET302 የ157 ሰዎችን ህይወት በቀጠፈው አሰቃቂ አደጋ ከሟቾቹ መካከል 8ቱ ቻይናዊያን መሆናቸው ታውቋል።

የቀድሞው የአሜሪካ ፕሬዝዳንት ባራክ ኦባማ እና ባለቤታቸው ሚሼል ኦባማ በተከሰከሰው የኢትዮጵያ አውሮፕላን ህይወታቸውን ላጡ ቤተሰቦች እና ወዳጅ ዘመዶች ሀዘናቸውን በትዊተር ገጻቸው ገልጸዋል።

ትናንት ከአዲስ አበባ ወደ ናይሮቢ ሲያቀና ከተነሳ ከስድስት ደቂቃዎች በኋላ የተከሰከሰውን የኢትዮጵያ ዓየር መንገድ ንብረት የሆነውን አውሮፕላን የመረጃ ሳጥን ለማግኘት በአደጋ ስፍራው ቁፋሮ ውጤት አስገኝቷል።

የአውሮፕላኑን መረጃ የያዘው ጥቁር ሳጥን (Black Box) ተገኝቷል፡፡

"Black box" flight recorder found after Ethiopian Airlines crash in which 157 people died -
# U.S. Embassy Addis Ababa
Today we join all Ethiopians in their national day of mourning over the loss of life in yesterday's tragic accident involving Ethiopian Airlines flight 302. We stand with the Ethiopian people and have offered our support to Ethiopian Airlines and the Ethiopian government.